楊梅作餌釣鰍哥——山歌對唱二百首（下集）1.朝陽
哦嗬一聲唱秋歌,山峰鳴應山谷和。
山上一條楊梅樹,山谷一條蓬溪河。
2.秋歌
山谷一條蓬溪河,蓬溪兩岸毛竹多,
扎只竹排新下水,跟 等朝陽學對歌.
3.朝陽
蓬溪河上毛竹多,砍條毛竹做簍籮。
砍條毛竹做釣竿,楊梅樹下釣鰍哥。
4.秋歌
楊梅樹下釣鰍哥,釣鰍唔當釣滑哥,
勸君趕快換釣餌,朝陽溝裡滑哥多.
5.朝陽
鰍哥幾時變滑哥,系咩食得楊梅多。
楊梅系咩俺有補,補到鰍哥變滑哥。
6.秋歌
鰗鰍怎比大滑哥,滑哥過大肉過多,
滑哥煮酒補腰骨,補到朝哥想老婆.
7.朝陽
滑哥過大肉過多,食裡有補唱秋歌。
唱歌就愛山頭唱,連哥就上楊梅坡。
8. 秋歌
連哥就上楊梅坡,楊梅坡上梅係多,
瞞人係敢來偷摘,屎忽打到綿噃噃.
9.朝陽
屎忽打到綿噃噃,問儀樣般有咁梭。
別人楊梅儀系摘,一下還偷幾下籮。
10.秋歌
一下還偷幾下籮,朝歌好比黃蜂窩,
小心奔佢叼一下,頭虛面腫變波蘿.
11.朝陽
頭虛面腫變波蘿,快快系拿生芋荷。
楊梅瀝水浸亞倒,捶綿鰍哥貼心窩。
12.秋歌
捶綿鰍哥貼心窩,脈介浰肚都餵屙,
昨日占屙幾大冊,今日又屙一大籮.
13.朝陽
今日又屙一大籮.想起當年渭水河。
太公河邊用直釣.釣倒鰍哥一大籮。
14.秋歌
釣倒滑哥一大籮, 一籮滑哥燉燕窩.
連湯帶水食三碗,今朝匟起博命屙.
15.朝陽
今朝匟起博命屙.唔耐鰍歌跳上河。
紫燕張喙啄一下,檢到大肉入燕窩。
16.秋歌
檢到大肉入燕窩, 食到生雞雄哆哆.
燕窩燉湯香噴噴.難怪朝哥咁餵屙.
17.朝陽
難怪朝哥咁餵屙.唔得日頭落山坡。
三步並作二步走,快快來系看燕窩。
18.秋歌
快快來系看燕窩,此窩唔咩你介窩.
一不小心窩裡反,坐監打失有得窩.
19.朝陽
坐監打失有得窩.問儀系咩死鰍哥。
死里三日伯令硬,撞快拿系丟落河。
20.秋歌
撞快拿系丟落河,朝哥釀滿咁餵屙.
脈介利肚俏得倒,一屙就屙一大坡.
21.朝陽
一屙就屙一大坡,紫燕盡話唔怕多。
陽春三月愛步仔,含等鰍哥座落窩。
22.秋歌
含等鰍哥座落窩,潮陽滑裡係難摸,
又有須來又有角,神仙都話麼奈何.
23.朝陽
神仙都話麼奈何,雙飛揪妹又揪哥。
淨曉楊梅瀝裡走,樣般唔曉鑽燕窩。
24.秋歌
樣般唔曉鑽燕窩,唔奈介條大滑哥,
滑頭滑腦鑽進去,賴孵雞嫲唔出窩.
25.朝陽
賴孵雞嫲唔出窩,問儀樣般做大哥。
紫燕作鬥咁辛苦,慰問儀愛送鰍哥。
26.秋歌
啀今勸你阿朝哥,莫去緊食老燕窩,
燕窩食裡瀉大火,唔使三日背瀉駝.
27.朝陽
唔使三日背瀉駝.雙飛紫燕心緒多。
艾日簷下看飛燕,了卻相思會鸚哥。
28.秋歌
了卻相思會鸚哥,唔得日頭落山坡。
朝哥燒酒食亞撇,腳都唔洗鑽被窩.
29.朝陽
腳都唔洗鑽被窩,問儀鑽介艾只窩。
咁多鰍哥都唔怕,紫燕條條啄進窩。
30.秋歌
紫燕條條啄進窩,啄勝滑哥喊哦嗬,
盡話今日遇倒鬼, 衰氣碌天阿彌陀.
31.朝陽
衰氣碌天阿彌陀.楊梅二山樹一坡。
楊梅坳下潭水淺,啄條鰍哥鑽燕窩。
32.秋歌
啄條鰍哥鑽燕窩,朝哥就係唔怕窩.
哦嗬教訓唔吸取,今日又想阿彌陀.
33.朝陽
北梅嶺上一草坡,禾稈點火欠阿哥。
水在下面火難大,有口難辯喙坐坐。
( 禾邊火,"秋"也.)
34.秋歌
有口難辯喙坐坐,十月十日生朝哥.
古靈精怪得人惜,從細到大像滑哥.
(十月十日,'朝"也.)
35. 朝陽
燕窩老酒煮鰍哥.禾草生火洞口坐。
此系十全大補酒,食裡北山唱秋歌。
36.秋歌
不愧金槍大滑哥. 朝陽溝裡盡哦嗬,
十全火力猛又大, 日頭麼落就入窩.
37.朝陽
日頭冇落就入窩,紫燕中心唱K歌。
開放政策十分好,紅男綠女笑呵呵。
38 .秋歌
(外一首)
紫燕莫去怕朝哥,朝哥今日麼尿屙.
佢係敢來撩紫燕,啄佢兩下喊哦嗬.
紅男綠女笑呵呵,朝哥最好當k哥,
一天四角唱光轉,聲音勝過篩銅鑼.
39.朝陽
鰍哥就係好k歌,唧唧喳喳田底拖。
日里洞中柄亞等,暗鋪出窿變蟲哥。
40.秋歌
朝哥本係好k哥,毎到暗晡就柏拖.
唔知燒酒食下去,k哥變做死蛇哥.
41.朝陽
又想一朵艷花蔥,丟跌楊梅戀紫彤。
一條鰍哥鬼一樣,有柴冇灶亂乓筒。
42.秋歌
有柴冇灶亂乓筒,東出朝陽火柬紅,
盲到半晝日叭辣,炙到大哥狗令紅.
43.朝陽
炙到鰍哥狗令紅,名典酒店儀做東。
一群妹子儀愛請,到時莫話口袋空。
44.秋歌
到時莫話口袋空,人生難得知已逢.
有情有義茶當酒.無緣對面不相逢.
45.朝陽
無緣對面不相逢,山歌架橋二心通。
君子之交淡如水,對家對國要盡忠。
46.秋歌
山歌架橋二心通,撥扇唔當自然風.
為人子弟愛盡孝,為國臣民愛盡忠.
47.朝陽
撥扇唔當自然風,楊梅樹下最輕鬆。
風清氣爽摘二顆,一曲秋歌表腸衷。
48.秋歌
楊梅樹下最輕鬆,小心樹上有黃蜂,
唔知多里叼一下,頭虛面腫變包公.
49.朝陽
頭虛面腫變包公,為人正直樹清風。
皇親國戚也一樣,法律面前不融通。
50.秋歌
法律面前不融通,貪污腐敗多蛀蟲.
幸虧習總吹號角,強力反腐掀勁風.
51.朝陽
強力反腐掀勁風,為人公僕心愛忠。
共產主義大信仰,服務人民畢其功。
52 .秋歌
服務人民畢其功,貪官日日惡夢中.
想賣家產去出國,又驚捉去入牢籠.
53.朝陽
又驚捉去入牢籠,閒係齊家過輕鬆。
心懷坦蕩矛愁緬,粗茶淡飯加清風。
54.秋歌
粗茶淡飯加清風,紅塵滾滾自從容,
濁浪滔滔啀不染,潔身佔係不倒翁.
55.朝陽
潔身佔係不倒翁,遊山玩水夕陽紅。
田拍鰍哥山拍樹,楊梅飛燕入鏡中。
56.秋歌
遊山玩水夕陽紅,快樂享受自然風,
早拍東邊日頭出,晚攝西山彩霞紅.
57.朝陽
晚攝西山彩霞紅,最喜楊梅一樹彤。
鏡片跟隨飛燕鬧,秋歌清唱一放翁。
58.秋歌
最喜楊梅一樹彤,一般鮮豔一般紅,
更有枝頭飛燕鬧,羨煞樹下兩老翁.
59. 朝陽
羨煞樹下兩老翁,桃源分明在胸中。
只要心裡有日月,楊梅飛燕自然彤。
60. 秋歌
楊梅飛燕自然彤,朝哥最好莫去動,
食裡禁果肚拔大,免得日後透豺蟲.
61.朝陽
鰍哥就像一條蟲,日日夜夜鑽泥窿。
飛蛾落水儀系搶,楊梅落田儀系通。
62.秋歌
日日夜夜鑽泥窿,的確難為朝陽兄,
啀今勸你莫緊鑽,撞快出來透下風.
63.朝陽
撞快出來透下風,看來儀有打鐵功。
秋歌唱好也唱壞,又軟又硬有真功。
64.秋歌
又軟又硬有真功,軟索塔人唔費工.
朝哥最怕軟索塔,軟索一塔就矛動.
65.朝陽
軟索一塔就矛動,鰍哥最怕軟網籠。
儘管依然笨笨跳,用力再大無用功。
66.秋歌
除了最怕軟網籠,朝哥還怕枕頭風,
風力雖然佔兩級,吹勝唔辦北西東.
67.朝陽
吹勝唔辦北西東,切莫過火亂用功。
用力過猛花餵謝,田裡矛水窿餵空。
68.秋歌
田裡矛水窿餵空,滑哥盡喊行不通.
魚水自古脫唔得,如今麼水釀養魚.
69.朝陽
如今麼水釀養魚,鰍哥當曉鑽窿空。
鋤田阿妹改亞倒,拔出窿空碌碌通。
70.秋歌
拔出窿空碌碌通,通裡就有自然風.
唔通就餵生百病.通了一身佔輕鬆.
71.朝陽
通裡一身佔輕鬆,楊梅坳上再用功。
楊梅結果千千萬,隻隻柬大隻隻紅。
72.秋歌
隻隻柬大又柬紅,想煞樹下朝陽兄,
看等梅里璫叮吊,可惜柬高摘唔動.
73.朝陽
樹葉遮等暗咚咚,好像鰍哥鑽泥窿。
日里鑽窿怕日扎,夜裡出洞柄蘗蓬。
74.秋歌
夜裡出洞柄蘗蓬,朝哥係咩駁抽瘋,
屋誇嬲等好滴滴,釀滿又去鑽蘗蓬.
75.朝陽
釀滿又去鑽蘗蓬,楊梅樹下有清風。
楊梅樹上有漿果,偷食二隻再鑽窿。
76.秋歌
偷食二隻再鑽窿.啀今話你朝陽兄.
兩隻酸梅算脈介,放你一馬去透風.
77.朝陽
放你一馬去透風,一場歡喜一場空。
梅樹圍等咁多蘗,想摘二粒矛路通。
78.秋歌
想摘兩粒矛路通.想食自然路無窮,
有錢能使鬼推磨.盡你大細包你紅.
79. 朝陽
盡你大細包你紅,講許錢財口袋空。
山上楊梅瞞人種,鰍哥收錢理唔通。
80.秋歌
鰍哥收錢理唔通,朝哥釀滿詐耳聾,
想食楊梅莫偷摘,十塊一斤隻隻紅.
81.朝陽
十塊一斤隻隻紅,秋歌隨唱好輕鬆。
儀介月薪萬過塊,攬等楊梅笑人窮。
82.秋歌
秋歌隨唱好輕鬆.釀滿敢比朝陽兄,
背等相機到處走,又唱山歌又採風.
83.朝陽
又唱山歌又采風,心態平衡自輕鬆,
齡到花甲當服老,悠然自有夕陽紅。
84.秋歌
悠然自有夕陽紅,今日西來明日東,
又採花來又攝色,朋友燒酒樂融融.
85.朝陽
朋友燒酒樂融融,酒逢知已飲千盅。
秋歌優美表肝膽,朝陽瀲灩暖腸衷。
86.秋歌
酒逢知已飲千盅,山歌緊唱情緊濃,
齊家唱勝喙搭渴,等下來去飲兩盅.
87. 朝陽
齊家來去飲兩盅,涯獨廣州隔長空。
等多幾日儀再請,愛帶楊梅一袋紅。
88. 秋歌
涯獨廣州隔長空,果然每日走西東.
各日來個哥倆好,包你飲到面幻紅.
89. 朝陽
包你飲到面幻紅,不醉不歸三百盅。
壺中天地任馳騁,酒內乾坤一路彤。
90. 秋歌
酒內乾坤一路彤,壺中日月火樣紅.
夕陽滿天霞光燦.賽過八十姜太公.
91.朝陽
賽過八十姜太公,百代秋歌更艷紅。
長江後浪逐前浪,一路輝煌不老翁。
92秋歌
一路輝煌不老翁,唔及朝陽自然風,
寶刀不老雄風在,詩文書畫樣樣通.
93.朝陽
詩文書畫樣樣通,閒雲野鶴不爭功。
只求平安身體好,盡情享受自然風。
94.秋歌
盡情享受自然風,東籬採菊效陶公.
更仿太白走天下,萬千美景駐心中.
95.朝陽
萬千美景駐心中,桃花源里沐清風。
任憑外面波濤急,我獨悠然自輕鬆。
96.秋歌
我獨悠然自輕鬆,富貴榮華轉眼空,
舒淡平和皆足喜,快樂兩字值千金.
97.朝陽
快樂兩字值千金,有錢難買好笑容。
陶令不要五斗米,只做桃源五柳翁。
98.秋歌
有錢難買好笑容,沉浮進退亦春風,
宦海歸來同一宴,圍爐煮酒論英雄.
99.朝陽
圍爐煮酒論英雄,小酌高評說古今。
滾滾長江東逝水,英雄都付笑談中。
100.秋歌
英雄都付笑談中,人生何處不相逢,
秋歌一曲二重唱,共享朝陽自然風.
朝陽自然風
收場曲：二首
1. 一樹楊梅一樹紅,一路秋歌一路彤。
一天朝陽一天艷,萬載千年頌雅風。
2. 敢唱山歌唔怕羞,走上擂台順口溜。
二百山歌隨口出,三山五嶽盡涯遊.
沒有留言:
張貼留言