鄂圖曼帝國

出自維基百科，自由嘅百科全書

跳去: 定向、 搵嘢

鄂圖曼帝國旗

奧斯曼帝國國徽

奧斯曼帝國最大嘅領土

鄂圖曼帝國（鄂圖曼土耳其文：دولت عالیه عثمانیه；土耳其文：Osmanlı İmparatorluğu），又叫奧斯曼帝國、奧托曼帝國同埋土耳其帝國，係突厥人響1299年到1922年期間建立嘅帝國。立國嘅係鄂圖曼一世。鄂圖曼帝國由小亞細亞開始發展，最勁嗰陣勢力去到歐亞非三大洲，南歐、中東同北非都係佢管，國土西面去到直布羅陀海峽，東面就去到裏海同波斯灣，北面去到奧地利同斯洛文尼亞，南面就去到蘇丹、索馬里同也門。1453年鄂圖曼帝國滅咗東羅馬帝國，搬個首都到伊斯坦堡（前君士坦丁堡），話自己繼承羅馬帝國，加埋伊斯蘭文化，就可以融合到東西文明。奧斯曼帝國因為打輸咗第一次世界大戰而亡國。

歷史

開頭突厥人喺蒙古高原度住，並喺中國北方建立突厥汗國，之後去咗中亞建立塞爾柱帝國，再去到小亞細亞建立奧斯曼帝國。初頭唔係好勁，但係攻陷咗拜占庭帝國首都君士坦丁堡，同埋改名叫伊斯坦堡之後，就開始勁。奧斯曼帝國話自己係羅馬帝國嘅繼承國，重佔領埋南歐、巴爾幹半島、中東同北非大部份領土，但係最尾因為皇帝死咗而停止進攻。
後來，奧斯曼帝國經歷過中興、滯止、改革、現代化，但都唔可以挽回滅亡嘅命運。
奧斯曼帝國係唯一一個中東同伊斯蘭國係可以抵抗歐洲列強嘅入侵，但係最後響19世紀初開始沒落，重輸埋第一次世界大戰同亡國。
而家奧斯曼帝國嘅繼承國係土耳其共和國。

信仰

奧斯曼帝國國教係伊斯蘭教，畀咗好多優惠啲伊斯蘭教徒，但係都容納其他教徒。

文化

奧斯曼帝國吸收咗地中海、黑海嘅傳統、藝術同文化體系，重加入咗新元素。喺奧斯曼帝國，唔同嘅文化都有得傳承。
奧斯曼嘅建築受到波斯、拜占庭同伊斯蘭唔同建築風格嘅影響。
而奧斯曼土耳其語係土耳其語嘅變種，但亦受到波斯語同埋阿拉伯語嘅影響。

現代

內文： 土耳其

現今嘅奧斯曼帝國嘅繼承國係土耳其共和國，大致上保留咗一嘅奧斯曼文化，係小亞細亞一個算幾大嘅國。

土耳其共和國國旗

  呢篇鄂圖曼帝國係一篇關於歷史嘅楔位文章。你可以編輯呢一版充實內容。